Эрүүл мэндийн яам - Монгол улсын засгийн газар

Долоо хоногийн онцлох

Шинэ мэдээ мэдээлэл

ЭМГЭНЭЛ

Хөвсгөл аймгийн Мөрөн сумын Далайн Элбэрэл өрхийн эрүүл мэндийн төвийн их эмч, бидний хамтран зүтгэгч Тойвын Агваанжамба, Юрагийн Цэвэлмаа нар 2021 оны 01 дүгээр сарын 23-ны өдөр зуурдаар таалал төгсөж, эрүүл мэндийн салбарт нөхөж баршгүй гарз тохиолдлоо. Талийгаачийн гэр бүл, үр хүүхэд, төрөл төрөгсөд, хамтран зүтгэгч, хамт олон найз нөхдөд нь нийт эрүүл мэндийн салбарын эмч, ажилчдын нэрийн өмнөөс гүн эмгэнэл илэрхийлье. Хүний их эмч Т.Агваанжамба, Ю.Цэвэлмаа нарын хүн амын эрүүл мэндийг сахин, хамгаалах үйлст оруулсан хувь нэмэр нь мэргэжил нэгт бидний сэтгэл зүрхэнд үүрд мөнхөд дуурсагдах болно. ГҮН ЭМГЭНЭЛ ИЛЭРХИЙЛЬЕ. УМ САЙН АМГАЛАН БОЛТУГАЙ

ЭМНЭЛЭГИЙН ТУСЛАМЖИЙН ХЭТ ТӨВЛӨРӨЛ АРИЛГАХ ЗАМААР ИРГЭДИЙН ХҮЛЭЭГДЭЛ ЧИРЭГДЛИЙГ БУУРУУЛНА

Хүн амд үзүүлж буй эрүүл мэндийн тусламжийн чухал бүрэлдхүүний нэг нь Эмнэлэгийн тусламж үйлчилгээ юм. Улсын хэмжээнд эмнэлэгийн тусламж үйлчилгээг сум, тосгоны эрүүл мэндийн төв, аймаг дүүргийн нэгдсэн эмнэлэг, төрөлжсөн болон тусгай мэргэжлийн төвүүд үзүүлж байна. Өнөөдөр эмнэлэгүүдэд, иргэдэд учир ч байгаа бэрхшээлүүдийн гол асуудал эмнэлгийн очер дугаарлалт. Хэт их төвлөрөл үүсснээс энэ асуудал гардаг. Иймээс улсын хэмжээнд лавлагаа шатны тусламж үзүүлж буй I. II. III төв эмнэлэгт ачаалалыг жигд хувиарлан 21 аймаг, 9 дүүргийг хувааж өгснөөр хөдөө орон нутгаас ирж үйлчүүлж буй иргэдийн очер хүлээгдэл эрс буурлаа. Мөн орон нутгийн бүсийн оношилгооны 5 төвийг дээрх 3 эмнэлэгийн үзүүлж буй тусламж үйлчилгээнд ойртуулснаар орон нутгийн иргэд зардал гаргахгүйгээр орон нутагтаа үйлчлүүлэх боломж бүрдүүлж шаардлагатай тоног төхөөрөмж, дэд бүтцийн шийдэл бүрэн хийгдсэнээр хөдөөнөөс хот руу чиглэсэн урсгалыг сааруулж байна. Ингэсээр сум, аймгийн төвийн иргэд аймгаас, мөн бүсийн оношлогоо эмчилгээний төвөөс тусламжаа авч УБ хотод ирэх шаардлагагүй гэсэн үг. Ингэж төвлөрөл сааруулахын зэрэгцээ I. II. III төв эмнэлэг Дүрс оношилгоо архивлан, хадгалах PACS систем, Би-план ангиографийн аппаратаар мэдрэл, зүрхний оношилгоо, эмчилгээг илүү нарийн түвшинд хийж эхэллээ. Мөн Монголд анх удаа хавдрыг өндөр түвшинд оношлох ПЭТ-CТ –г ашиглан оношлогоонд нэвтрүүллээ. Төрөлжсөн мэргэжлийн тусламжийг зөвхөн нэг төв бие дааж үзүүлж ачаалалаа дийлэхгүй, очер их, өндөр технологи бүхий нарийн мэргэжлийн тусламжийн үйлчилгээ орхигдон гадны улс оронд явах нь их хэвээр байгаа. Тухайлбал улсын хэмжээнд гэмтлийн тусламж үйлчилгээг зөвхөн ГССҮТ, хавдрын тусламжийн дийлэнхийг ХСҮТ үзүүлж ирсэн. Энэ төвүүдийн ачаалал хэт ихэссэнээс төлөвлөгөөт хагалгаа 2-3 сараар хойшлох, өдөрт хийгдэх эмнэлэгийн тусламжийн хэт их ачаалал нь эргээд тусламжийн чанар, аюулгүй байдалд нөлөөлөхүйц байгааг анхаарч томоохон өөрчлөлтийг хийж байна. Жишээ нь гэмтэлийн мэс засал, яаралтай тусламж, хавдарын хими ба хөнгөвчлөх эмчилгээ зэргийг бусад эмнэлэг, дүүрэг, аймагт үзүүлэх боломжийг бүрдүүлж эхэлсэн. Энэ хүрээнд төрөлжсөн мэргэжлийн төвүүдийн мэргэжлийн баг нийслэлийн дүүргийн нэгдсэн эмнэлэгт /ДЭН/ , мөн аймгийн нэгдсэн эмнэлэгт /АНЭ/ очиж ажиллах, орон нутгаас тухайн мэргэжлийн эмч, мэргэжилтэнг төв дээр дагалдуулан сургаж “ажиллан сурах” хөтөлбөр амжилттай хэрэгжиж байна. Өмнө хавдрын хими эмчилгээ зөвхөн ХСҮТ, цөөн хэдэн аймгийн НЭ-т хийгдэж байсан бол одоогоор ДНЭ, АНЭ-д уг эмчилгээг хийж эхлээд байна. Дараагийн чухал хэсэг нь тухайн эмчилгээнд ашиглаж буй эмийн чанар, аюулгүй байдал бөгөөд Эм, эмнэлэгийн хэрэгсэлийн агентлаг байгуулан энэ чиглэлд томоохон эргэлт, шинэчлэл хийгдэнэ.

МОНГОЛ УЛСАД АНХ УДАА АМНЫ ХӨНДИЙН ХҮРЦЭЭР ГАВЛЫН КЛИВУС ОРЧМЫН ХОРДОМА ХАВДАР АВАХ ЭМЧИЛГЭЭГ АМЖИЛТТАЙ ХИЙЛЭЭ

2021 оны 01 сарын 15-ны өдөр Улсын гуравдугаар төв эмнэлгийн Мэдрэлийн мэс заслын тасгийн эмч Д.Энхболд, Чих хамар хоолойн мэс заслын тасгийн эрхлэгч С.Бямбасүрэн нараар удирдуулсан баг Монгол улсад анх удаа “АМНЫ ХӨНДИЙН ХҮРЦЭЭР ГАВЛЫН КЛИВУС ОРЧМЫН ХОРДОМА ХАВДАР АВАХ МЭС ЗАСАЛ ЭМЧИЛГЭЭ”-г амжилттай хийж гүйцэтгэлээ. Энэхүү эмчилгээг хийснээр Монгол улсад гавлын суурийн мэс засал эмчилгээний эхлэл болж, “АМНЫ ХӨНДИЙН ХҮРЦЭЭР” гавлын кливус орчмын хавдрууд түүнчлэн хүзүүний I, II нугаламын зарим хавдар, үрэвсэлт өвчин, хүн амын дунд тархмал тохиолддог хэрх өвчний үеийн хүзүүний шүдлэг сэртэнгийн эмгэгүүдэд эмчилгээ хийх шинэ арга нэвтрүүлж, нутагшуулахыг зорьж байна. Олон талын оролцоо, хүчин чармайлтын үр дүнд нарийн технологи, өндөр ур чадвар шаардсан энэхүү мэс заслыг Монголын эмч нар өөрсдөө бие даан хийх боломж ийнхүү бүрдэж байгаа бол иргэд, үйлчлүүлэгчдийг энэ чиглэлээр гадаад улсруу эмчилгээнд явах урсгалыг багасгаж эрүүл мэндийн шалтгаант санхүүгийн эрсдэлээс хамгаалах, өндөр түвшний чанартай эмнэлгийн тусламжийг чирэгдэлгүйгээр эх орондоо авах боломжоор хангах юм.

КОВИД-19 халдварын эсрэг вакцинжуулалтын бэлтгэл ажил хангагдаж байна

Эрүүл мэндийн улсын алба - тохиолдлын удирдлагын тогтолцооны ээлжит 26-р хурал боллоо. Хурлаар ЭМУА-ТУТ-ны 2021 оны нэгдсэн төлөвлөгөөний төсөл, ковидтой холбоотой хэрэглэж буй цахим мэдээллийн системийн танилцуулга, өвчлөлийн хэтийн төлөвийн тооцоолол, ковидын эсрэг вакцинжуулалтын бэлтгэл ажлын талаар танилцуулга хийж хэлэлцлээ. Эрүүл мэндийн дэд сайд, Тохиолдлын удирдлагын тогтолцооны дэд дарга Ш. Анхмаа хурлыг удирдаж, коронавируст халдвар (КОВИД-19) тархалтын үе шат, хариу арга хэмжээний төлөвлөгөөг илүү нарийвлан боловсруулах, халдвар авсан эмч, эмнэлгийн ажилтан, иргэд болон тусгаарлалтанд байгаа иргэдэд зориулсан сэтгэцийн эрүүл мэндийн зөвлөн туслах үйлчилгээг үзүүлэх, Burtgel.mohs.mn; covid19.gerege.mn цахим программыг нэгтгэн ковидын нэгдсэн удирдлагын систем болгон боловсронгуй болгох, КОВИД-19 халдварын эсрэг вакцинжуулалтад шаардлагатай хамгаалах хувцас хэрэгслийг бэлтгэх, вакцины зааврыг эмнэлзүйн зөвлөх баг, харшил судлалын мэргэжлийн салбар зөвлөлөөс санал авч боловсруулах, вакцинатор сувилагчдыг холбогдох сургалтад хамруулах зэрэг вакцинжуулалтын бэлэн байдлыг ханган ажиллахтай холбоотой болон цаг үетэй холбоотой шуурхай хэрэгжүүлэх бусад үүрэг даалгавруудыг өглөө

ТӨСӨЛД САНАЛ АВЧ БАЙНА