Цаг үеийн мэдээ

Төв аймгийн Батсүмбэр сумад орших Хөдөлмөр, халамж үйлчилгээний ерөнхий газрын харьяа “Ахмад настны үндэсний төв”-ийн үйл ажиллагаатай Эрүүл мэндийн Дэд сайд Л.Бямбасүрэн болон холбогдох мэргэжилтнүүд танилцаж, үйлчлүүлэгчид болон ажилчиддаа санал солилцох уулзалт зохион байгуулав. Тус төвд нь 93 дахь жилдээ асран хамгаалах хүнгүй, ганц бие ахмад настан, хөгжлийн бэрхшээлтэй иргэнд асаргаа, сувилгааг хийх үйл ажиллагааг эрхэлж байгаа бөгөөд 2016 онд өргөтгөн 200 хүний хүчин чадалтай болгож өргөтгөлийн байр шинээрээр ашиглалтад оруулсан байна. Өдгөө эмчилгээ оношилгооны албан нь1 их эмч, 2 бага эмч, 4 сувилагч, 13 асаргчийн хүний нөөцтэйгээр 130 гаруй ахмад настан, хөгжлийн бэрхшээлтэй иргэд байнгын үйлчлүүлж байгаагаас 52 иргэн байнгын асаргаанд хэвтрийн дэглэмд байдаг байна. Тус төвийн үйл ажиллагаатай танилцах явцад үйлчлүүлэгчдээ 3 дугаар шатлалын эмнэлэгт хэвтүүлэх, сэтгэц нөлөөт эмийн худалдан авахтай холбоотой тулгамдаж байгаа асуудлын талаар танилцуулж, цаашид шийдвэрлэх арга замыг хэлэлцлээ. Мөн тус төвд олон жил үр бүтээлтэй ажилласан эмч, эмнэлгийн мэргэжилтэнд шагнал гардуулж, үйчлүүлэгчдэд тэргэнцэр бэлэглэлээ.

177 төр болон хувийн хэвшлийн аппаратад 580 гаруй иргэд тусламж үйлчилгээ авч байна.

Эрүүл мэндийн дэд сайд Л.Бямбасүрэн Төв аймгийн Өндөр ширээт сумын Эрүүл мэндийн төвд энэ сарын 24-ны өдөр ажиллаж, эмч, эмнэлгийн мэргэжилтнүүд, иргэдтэй уулзаж санал хүсэлтийг сонслоо. Энэ үеэр Засгийн газраас эрүүл мэндийн байгууллагын техник, тоног төхөөрөмж, автомашины парк шинэчлэлтийг үе шаттай явуулж байна. Салбарын автомашины парк шинэчлэлийн хүрээнд тус сумын эрүүл мэндийн төвд түргэн тусламжийн автомашиныг хүлээлгэн өглөө. Дэд сайд Л.Бямбасүрэн энэ үеэр хэлсэн үгэндээ Улс орны эдийн засаг, санхүүгийн байдал хүндрэлтэй хэдий ч Монгол улсын 2017 оны төсвийг батлах, төслийн тодотгол хийх асуудлыг шийдвэрлэх, хүн амын эрүүл мэндийг сайжруулах, амьдралын чанарыг сайжруулахад чиглэсэн төсөв санхүүжилтийг нэмэгдүүлэх, хасахгүй байхад анхаарч, эрүүл мэндийн салбарыг байнга дэмжиж ажиллаж байна. Хөдөөгийн хүн амын эрүүл мэндийн тусламж үйлчилгээг сайжруулах, тэдний эрэлт хүсэлтэд тулгуурлан туулах чадвар сайтай энэхүү автомашиныг хүлээлгэн өгч байна. Шинэ машинтай болсноор эмч нар маань орон нутгийнхаа хүн амд эмнэлгийн үйлчилгээг түргэн шуурхай, цаг алдалгүй хүртээмжтэй хүргэхэд бодитой дэмжлэг болно гэлээ.

“Элэг бүтэн Монгол” үндэсний хөтөлбөрийн хэрэгжилтийг эрчимжүүлэх тухай Эрүүл мэндийн сайдын А/244 дүгээр тушаалыг 2017 оны 06 дугаар сарын 19-ны өдөр гаргалаа. Тушаалын дагуу Нийслэлийн нутаг дэвсгэрт үйл ажиллагаа явуулж буй аж ахуйн нэгж, байгууллагын 40-65 насны иргэдэд хепатитийн В, С вирусын илрүүлэг шинжилгээг энэ сарын 21-ний өдрөөс эхлэн хийж байна. Өнөөдрийн байдлаар 6 дүүргийн 16 аж ахуйн нэгж байгууллагын 40-65 насны 1180 иргэдэд эрт илрүүлгийн үзлэг шинжилгээ хийсэн байна. Уг үзлэг шинжилгээг Нийслэлийн эрүүл мэндийн газар, төрөлжсөн мэргэшлийн эмнэлэг, тусгай мэргэжлийн төв, Сонгдо, Интермед, Грандмед эмнэлгүүд хийж байна.

"Элэг бүтэн Монгол" үндэсний хөтөлбөрийн нээлт өнөөдөр Яармаг дахь сансар худалдааны төвийн талбайд боллоо. Нээлтийн ажиллагаанд УИХ гишүүн, өргөдлийн байнгийн хорооны дарга Д.Сарангэрэл, УИХ гишүүн Б.Энх-амгалан, ЭМЯ-ны Төрийн нарийн бичгийн дарга Д.Очирбат, НЭМГ-ын орлогч дарга О.Баяр, НИХ-ын төлөөлөгч Ц.Байгалмаа, НИХ-ын тэргүүлэгч, ХУД-ийн засаг дарга Ж.Алдаржавхлан, ХУД-ийн иргэдийн төлөөлөгчдийн хурлын дарга Б.Цэрэн зэрэг албаны хүмүүс оролцлоо. Хан уул дүүргийн хэмжээнд 40-65 насны 37779 иргэн бий. Үүнээс 17830 иргэн элэгний B, C вирүсийн шинжилгээнд хамрагдах ёстойгоос өнөөдрийн байдлаар 2044 иргэн эрт илрүүлгийн шинжилгээндээ хамрагджээ Мөн уламжлал ёсоороо өдөрлөгийн хүрээнд НЭМҮТ, Улсын 3 дугаар төв эмнэлэг, Халдварт өвчин судлалын үндэсний төв , Хавдар судлалын үндэсний төв , Зооноз өвчин судлалын үндэсний төв, АШУҮИС-ийн “Эрхэс” эмнэлгийн эмч нар дүүргийн эмч нарын хамт нийт 3562 иргэнд үнэ төлбөргүй нарийн мэргэжлийн шинжилгээг хийж зөвлөгөө өгч ажиллалаа. Энэ үеэр ЭМЯ-ны ТНБД Д.Очирбат эрүүл мэндийн салбарт олон жил үр бүтээлтэй ажилаж байгаа ХУЭМТ-ийн эмч ажилчдыг Эрүүлийг хамгаалах тэргүүний ажилтанаар шагнаж урамшуулсан бол Эрүүл мэндийн төвд эмнэлгийн зориулалттай өвчтөний ор 5-н ширхэг, УИХГ Б.Энх-Амгалан В, С вирусын шинжилгээний сорьц хадгалах хөргөгч 1 ширхэгийг тус тус хүлээлгэн өглөө.

Гэмтэл согог судлалын үндэсний төв жилдээ 80 мянга гаруй хүнд осол гэмтлийн яаралтай тусламжийг үзүүлэн ажилладаг бөгөөд алсын дуудлагад нисдэг тэргээр үйлчлэхэд бэлэн болоод байна. Өнөөдөр Эрүүл мэндийн сайд А.Цогцэцэг тус ажлын бэлтгэл болон эмнэлгийн үйл ажиллагаатай танилцан, эмч, эмнэлгийн мэргэжилтнүүдтэй уулзаж, санал хүсэлтийг нь сонслоо.

2007 оноос эхлэн Люксембургийн Вант Улсын Засгийн Газар, Монгол Улсын Засгийн Газар болон НҮБ-ын Хүн амын сан хамтран Монголын хүн амын эрүүл мэндийг сайжруулах үндсэн зорилгын хүрээнд эх нярайн чанартай тусламж үйлчилгээг тэгш хүртээмжтэй хүргэхэд дэмжлэг үзүүлэхээр Зайн оношлогооны төслийг хоёр үе шаттайгаар хэрэгжүүлж ирлээ. Цахим эрүүл мэнд хөтөлбөрийн нэг хэсэг болох эх нярайн эрүүл мэндийн чиглэлээр төсөл хэрэгжүүлэх явцад хүрсэн ололт амжилтыг бататгах зорилготой. Төгсгөлийн шатны энэхүү төсөл нь эх нярай, бэлгийн болон нөхөн үржихүйн эрүүл мэндийн үндэсний болоод олон улсын Тогтвортой Хөгжлийн Зорилтуудын хэрэгжилтэнд дэмжлэг үзүүлэх, төслөөр нэвтрүүлсэн шинэлэг ажлуудыг засгийн газарт хүлээлгэн өгч төслийн тогтвортой байдлыг хангах юм. Өнөөдрийн хуралд Дэд сайд Л.Бямбасүрэн, Люксембургийн засгийн газрын төлөөлөл, НҮБ-ын Хүн амын сангийн суурин төлөөлөгч, төслийн баг болон төсөл хэрэгжүүлэгч байгууллагуудын удирдлагууд оролцож 2017 онд хийгдэх ажлын төлөвлөгөөг ярилцаж баталлаа. Энэ үеэр Дэд сайд Л.Бямбасүрэн хэлэхдээ төлөвлөгдөж буй ажлууд нь төслөөр бий болгосон үйлчилгээ, сургалтыг цаашид Монгол улс үргэлжлүүлэн хөгжүүлэн авч явах тогтвортой байдлыг бий болгоход үйл ажиллагаанууд чиглэгдсэн нь сайн болсоныг онцоллоо. Монгол улсын эх, нярайн өвчлөл эндэгдлийг бууруулах, тусламж үйлчилгээний чанарыг сайжруулах, хүртээмжийг нэмэгдүүлэхэд томоохон хувь нэмэр оруулж буй үр өгөөжтэй төсөл болсон байгаад Люксембургийн засгийн газрын төлөөлөл баяр хүргэж 2017 онд төлөвлөсөн ажлаа амжилттай гүйцэтгэнэ гэдэгт итгэж байгаагаа илэрхийлэв.

Манай улсын эмнэлгийн практикт цус, цусан бүтээгдэхүүний зохистой хэрэглээг сайжруулах, аюулгүй цус сэлбэлтийн талаарх эмнэлгийн удирдах ажилтан, эмч, мэргэжилтний мэдлэг, хандлага, дадлыг сайжруулах, нотолгоонд суурилсан цус сэлбэлтийн эмнэлзүйн удирдамжийг эмнэлгийн практикт зөв, зохистой ашиглахад сургах асуудал чухлаар тавигдаж байгаа билээ. Үүнтэй холбогдуулан Эрүүл мэнд, спортын яам, Азийн Хөгжлийн Банк хамтран хэрэгжүүлж буй Эрүүл мэндийн салбарын хөгжил хөтөлбөр (ЭМСХХ) - 5 төслийн цусны аюулгүй байдлыг бэхжүүлэх бүрэлдэхүүн хэсгийн хүрээнд Эрүүл мэндийн сайдын 2017 оны А/03 дугаар тушаалаар батлагдсан “Зонхилон тохиолдох өвчний үед цус, цусан бүтээгдэхүүн сэлбэх” зааврын хэрэгжилтийг сайжруулах, мэргэжил, арга зүйгээр хангах зорилгоор “Цус, цусан бүтээгдэхүүний эмнэлзүйн зохистой хэрэглээ” сэдэвт сургагч багш бэлтгэх гурав дахь удаагийн сургалт Цус сэлбэлт судлалын үндэсний төвд 2017оны 6 дугаар сарын 21-23-ны өдрүүдэд амжилттай зохион байгуулагдлаа. Гурван өдөр үргэлжилсэн уг сургалтад 21 аймгийн Бүсийн оношилгоо эмчилгээний төв, Нэгдсэн эмнэлгийн Цус сэлбэлтийг зохицуулах зөвлөлийн дарга, гишүүд эмч мэргэжилтнүүд хамрагдлаа. Монгол улсын үндэсний аюулгүй байдлын салшгүй нэг хэсэг болсон цусны чанар, аюулгүй байдлыг хангахад чиглэн Монгол улсын Засгийн газар онцгой анхаарч 3,4 тэрбум төгрөгийн хөрөнгө оруулалтаар Цус сэлбэлт судлалын үндэсний төвийн шинэ байр, 2,0 тэрбум төгрөгөөр орон нутгийн 26 цусны салбар төвийн байрыг засварлан. Донорын сургалт, сурталчилгааны үйл ажиллагааг сайжруулах, цус, цуглуулах, шинжлэх, цусан бүтээгдэхүүн үйлдвэрлэх, хадгалах, тээвэрлэх тоног төхөөрөмж, техник, технологийн бүрэн шинэчлэлт хийхэд АХБ-ны хөнгөлөлттэй зээлийн санхүүжилтээр Цус сэлбэлт судлалын үндэсний төвд 8,7 тэрбум, 26 цусны салбар төвд нийт 10,8 тэрбум төгрөгийн хөрөнгө оруулалт хийж, Монгол улсын цусны алба олон улсын түвшинд хүрч, хөгжилтэй орны үйлдвэрлэдэг бүхий л нэр төрлийн цусан бүтээгдэхүүнээр эрүүл мэндийн байгууллагыг хангах бололцоо бүрэн бүрдлээ. Цаашид цус сэлбэх үйл ажиллагаанд оролцдог эмч, эмнэлгийн мэргэжилтнүүдийг сургах, мэргэжил арга зүйгээр хангах ажлыг зохион байгуулахаар төлөвлөж байна.

Төрийн нарийн бичгийн дарга Д.Очирбат өнөөдөр Харвардын их сургуулийн Профессор Марк С.Эллиоттыг хүлээн авч уулзлаа. Уулзалтаар Эрүүл мэндийн яам, Харвардын Их сургуулийн хамтын ажиллагааг өргөжүүлж, Харвардын их сургуульд эмч мэргэжилтэн сургах чиглэлээр хамтарч ажиллахаар талаар ярилцлаа. Тодруулбал Харвардын Т2Т хөтөлбөрийг хэрэгжүүлнэ. Энэ нь Анагаахын багш, эмч нарт Харвардын заах арга зүйг сургах 9 сарын хөтөлбөр бөгөөд тэнхим ба цахим хавсарсанаар онцлог ажээ. Дэлхийн дахинд уг хөтөлбөрийг Хятад, Энэтхэг улсад хэрэгжүүлдэг. Энэ удаад Монгол улсыг онцгойлон сонгож хөтөлбөрөө хэрэгжүүлэхээр болжээ.

Элэг бүтэн Монгол” өдөрлөг Сонгиохайрхан дүүргийн нутаг дэвсгэр дэх Соёмбо кинотеартын талбайд боллоо. Тус дүүргийн хэмжээнд “Элэг бүтэн Монгол” үндэсний хөтөлбөрийн хүрээнд зохион байгуулж буй хепатитийн В, С вирүсийн илрүүлэг шинжилгээнд 74512 иргэн хамрагдах ажээ. Тухайн иргэд нь Сонгиохайрхан дүүргийн 1-32 дугаар хороодод оршин сууж буй 1952-1977 онд төрсөн, 40-65 насныхан юм. Хепатитийн В, С вирүсийн илрүүлэг шинжилгээнд хамрагдах хүсэлтэй иргэд 2016, 2017 оны эрүүл мэндийн даатгалаа бүрэн бөглүүлсэн байх шаардлагатай бөгөөд тухайн оршин суугаа харьяа хорооныхоо өрхийн эрүүл мэндийн төвд хандах ёстой юм байна. Өдөрлөгийн үеэр явуулын эмнэлгийн үйл ажиллагааг олон нийтэд сурталчлан таниулж, эрүүл мэндийн үзлэг оношилгоонд хамруулсан юм. Тухайлбал, энэхүү өдөрлөгт Гэмтэл согог судлалын үндэсний төв, Улсын нэгдүгээр төв эмнэлэг, Улсын гуравдугаар төв эмнэлэг, Байгалийн голомтот өвчин судлалын үндэсний төв, Халдварт өвчин судлалын үндэсний төв, Хавдар судлалын үндэсний төв, Анагаахын шинжлэх ухааны үндэсний их сургуулийн “Эрхэс” клиник болон Сонгионхайрхан дүүргийн эрүүл мэндийн төвийн эмч, сувилагч нар нийт давхардсан тоогоор 4508 хүнд үзлэг оношилгоо хийж, сургалт сурталчилгааны материал тараасан төдийгүй эрүүл мэндийн зөвлөгөө өгч, бие бялдрын сорил авч ажиллалаа. Өдөрлөгийн үеэр ЭМЯ-наас “Элэг бүтэн Монгол” өдөрлөгийн үзлэг шинжилгээнд зориулан Сонгионхайрхан дүүргийн эрүүл мэндийн төвд чухал хэрэгцээтэй өвчтөний ор 5 ширхэгийг гардууллаа.

“Элэг бүтэн Монгол” үндэсний хөтөлбөрийн хүрээнд хепатитийн В, С вирүсийн илрүүлэг шинжилгээг хийж буй Баянгол дүүргийн хувьд 1-23 дугаар хорооны 40-65 насны 52639 иргэнийг хамруулахаар ажиллаж байна. Тэгвэл энэхүү үйл ажиллагааны талаархи мэдээлэл, зөвлөмжийг иргэдэд хүргэх зорилгоор “Элэг бүтэн Монгол” үндэсний хөтөлбөрийн нээлттэй өдөрлөг өнөөдөр Баянгол дүүрэгт зохион байгуулагдлаа. Өдөрлөгийн хүрээнд Гэмтэл согог судлалын үндэсний төв, Улсын нэгдүгээр төв эмнэлэг, Улсын гуравдугаар төв эмнэлэг, Байгалийн голомтот өвчин судлалын үндэсний төв, Халдварт өвчин судлалын үндэсний төв, Нийгмийн эрүүл мэндийн үндэсний төв, Хавдар судлалын үндэсний төв, Анагаахын шинжлэх ухааны үндэсний их сургуулийн “Эрхэс” клиник болон Сүхбаатар дүүргийн эрүүл мэндийн төвийн эмч, сувилагч нар иргэдэд үзлэг оношилгоо хийж, эрүүл мэндийн зөвлөгөө өгч ажиллалаа.

40-65 насны даатгуулагчийг хепатитын В, С вирусын илрүүлэг шинжилгээнд хамруулах ажлыг орон даяар үргэлжилж байна. “Элэгний вирусын идэвхжил” тодорхойлох лабораториудын сонгон шалгаруулалт явагдан 31 лаборатораториос 22 лаборатори тэнцэж, Эрүүл мэнд, нийгмийн даатгалын ерөнхий газартай гэрээ байгуулаад байна. Вирусын идэвхжил тодорхойлох шинжилгээг гэрээ байгуулсан 22 лабораториор дамжуулан тусламж үйлчилгээний зардлыг нь Эрүүл мэндийн даатгалын сангаас бүрэн хариуцан санхүүжүүлнэ. Хепатитын вирус эерэг гарсан сорьцыг уг лабораториудад хүлээлгэн өгч вирусын идэвхжлийг тодорхойлуулан улмаар вирусын эсрэг эмчилгээнд хамруулах ажлыг зохион байгуулах юм. Эрүүл мэнд, нийгмийн даатгалын ерөнхий газраас зарласан сонгон шалгаруулалтанд оролцож ЭМД-ын сангаас санхүүжих лабораториуд: 1. Улсын нэгдүгээр төв эмнэлэг 2. Улсын хоёрдугаар төв эмнэлэг 3. Халдварт өвчин судлалын үндэсний төв 4. Хавдар судлалын үндэсний төв 5. Багануур эрүүл мэндийн төв 6. Интермед эмнэлэг 7. УБ Сонгдо эмнэлэг 8. Грандмед эмнэлэг 9. Аллергимед эмнэлэг 10. Монгол Хьюндай эмнэлэг 11. Итгэл эмнэлэг 12. Онкоген лаборатори 13. “Гялс” Анагаах ухааны төв 14. Мобио лаборатори 15. Оношмед лаборатори 16. “Бона Вита” лаборатори 17. “Протолаб” лаборатори 18. Элэгний төв лаборатори 19. “Гэгээн Ар Үр” лаборатори 20. Медипас эмнэлэг /Эрдэнэт хот/ 21. “Евростандарт лаборатори 22. Хаппи веритас

Монгол улсын эх баригчдын мэргэжил, ур чадвар, сургалтыг сайжруулах хэрэгцээ шаардлага их байна. Одоогийн байдлаар 47429 эмнэлгийн ажиллагсад эрүүл мэндийн тусламж үйлчилгээ үзүүлж байгаагийн 916 буюу 1.9 хувь нь эх баригч байна. Эх баригч нарын 39.6 хувь нь сумын эрүүл мэндийн төв, сум дундын эмнэлэгт, 24.4 хувь нь нэгдсэн эмнэлэг, дүүргийн эрүүл мэндийн төв, амаржих газарт, 15.3 хувь нь лавлагаа төвүүдэд эх барихын тусламж үйлчилгээг үзүүлж байна ЭМЯ-ны Эх Барихын Салбар Зөвлөл, АШУҮИС-ийн Сургалтын Бодлого Зохицуулалтын Газар, бүрэлдэхүүн болон Дархан-Уул, Дорноговь, Говь-Алтай аймаг дахь Анагаах ухааны Салбар сургуулиудын Сургалтын алба, эх барихын багш нар оролцож байгаа уг уулзалтыг Эрүүл мэндийн яам, Санте Сюд ТББ, АШУҮИС-ийн Сувилахуйн сургууль хамтран зохион байгуулж байна. Зөвшилцөх уулзалтын зорилго нь Эх баригч мэргэжилтний төгсөлтийн өмнөх сургалтын хөтөлбөрийг шинэчлэх талаар АШУҮИС-ийн Сургалтын Бодлого Зохицуулалтын Газар, бүрэлдэхүүн болон салбар сургуулиудын эх барихын мэргэжлийн багш нарын санал зөвлөмжийг авч, цаашид хөтөлбөрийг нарийвчлан боловсруулж 2018 оны хичээлийн жилээс хэрэгжүүлэх зорилго тавьж байгаа болно. Төгсөлтийн өмнөх сургалтын хөтөлбөрийг ОУ-ын жишигт нийцүүлэн шинэчлэн боловсруулснаар эх барихын тусламж үйлчилгээтэр дундаа хэвийн жирэмсний тусламж үйлчилгээгчанартайхүртээмжтэйболгоходэх баригчдын үүрэг оролцоог идэвхижүүлэх, төгсөн гарч буй мэргэжилтний ур чадварыг сайжруулах,чадавхижуулахад чухал хувь нэмэр оруулах юм.

Монгол Улсын Оюуны өмч, Улсын Бүртгэлийн Ерөнхий газрын даргын урилгаар Монгол Улсад ажлын айлчлал хийж байгаа Дэлхийн оюуны өмчийн байгууллага (ДОӨБ)-ын Ерөнхий захирлын орлогч Минелик Алему Гетахуныг өнөөдөр Эрүүл мэндийн дэд сайд Л.Бямбасүрэн хүлээн авч уулзав. Уулзалтын эхэнд Дэд сайд Л.Бямбасүрэн ДОӨБ-аас оюуны өмчийн эрхийг хамгаалах чиглэлээр үндэсний хэмжээний хууль тогтоомж боловсруулах, эрх зүйн орчныг боловсронгуй болгох, салбар хоорондын уялдаа холбоог сайжруулах, технологи инновацийн төвүүд байгуулах, үндэсний хэмжээний хурал, семинар зохион байгуулах, байгууллагын болон хүний нөөцийн чадавх бэхжүүлэх зэрэг чиглэлүүдээр Монгол улсад санхүүжилтийн болон мэргэжил арга зүйн туслалцаа үзүүлсээр ирсэнд тус байгууллагад талархал илэрхийлэв. Тэрбээр, Монгол Улсын эрүүл мэндийн салбарын хөгжил, техник технологийн хөгжил сүүлийн жилүүдэд хурдацтай хөгжихийн хэрээр салбарын эрдэмтдийн судалгаа, шинжилгээний ажлын чанар сайжирч, оношлогоо, эмчилгээний шинэ санаачлага, бүтээл гарах нь нэмэгдэж байгаатай холбоотойгоор анагаах ухааны салбарын эрдэмтэн судлаачдын оюуны өмчөө баталгаажуулах, шинэ санаачлага, бүтээлээ патентжуулах эрэлт хэрэгцээ нэмэгдэж байгаа талаар тэмдэглэж, энэ чиглэлээр ДОӨБ-аас техникийн туслалцаа үзүүлж хамтран ажиллахыг хүсэв. ДОӨБ-ын Ерөнхий захирлын орлогч Минелик Алему Гетахун Эрүүл мэндийн дэд сайдад хариу талархал илэрхийлээд Монгол Улс ДОӨБ-ын гишүүн орны хувиар тус байгууллагын үйл ажиллагаанд идэвхтэй оролцож, бүх салбарт оюуны өмчийг хамгаалах чиглэлээр тодорхой ахицтай ажиллаж байгааг сайшаан тэмдэглэв. Түүнчлэн, эрүүл мэндийн салбарт ялангуяа нийгмийн эрүүл мэнд, цаг уурын өөрчлөлт, эм, эмнэлгийн хэрэгсэл, оношлогоо, эмчилгээний дэвшилтэт техник технологи, уламжлалт анагаах ухааны чиглэлээр судалгаа шинжилгээний ажлыг хөгжүүлэх, холбогдох дотоодын болон олон улсын байгууллагуудтай хамтын ажиллагаагаа хөгжүүлэхэд ДОӨБ дэмжиж хамтран ажиллахад бэлэн гэдгээ илэрхийлэв. Уулзалтын төгсгөлд дэд сайд Л.Бямбасүрэн Ноён Минелик Алему Гетахунд Монгол Улсад хийж байгаа ажлын айлчлалын үеэрээ хүрэлцэн ирж уулзан, хамтын ажиллагааны санал солилцсонд дахин талархал илэрхийлээд, айлчлалд нь амжилт хүслээ.

“Элэг Бүтэн Монгол” хөтөлбөрийн хяналт, үнэлгээг Архангай аймгийн Өлзийт, Хайрхан, Цэцэрлэг, Эрдэнэмандал сумдад хийв. Тус аймгийн Хайрхан суманд элэгний С вирусын илрүүлэг 85%; В вирусын илрүүлэг 40 орчим хувьтай байхад, Цэцэрлэг суманд С вирус 84%; В вирус 41% байна. Эрдэнэмандал суманд С вирус 86%, В вирус 40 орчим хувийн тус тус илрүүлэг хамрагдалттай байв. Эрүүл мэндийн сайдын үүрэг чиглэлийн дагуу энэ сарын 12-15 ны өдрүүдэд дээрхи сумдад УГТЭ, ЭХЭМҮТ-ийн эмч нарын баг ажиллаж, зүрх судас, элэг цөс, дүрс оношлогоо, эх барих, эмэгтэйчүүдийн чиглэлээр үзлэг оношлогоог хийж хөдөө орон нутгийн 1100 орчим иргэд, хөдөлмөрчдийг хамруулсан байна. Мөн Эрүүл Мэндийн салбарын бодлого чиглэл болон Эрүүл Мэндийн Яамны хийж хэрэгжүүлсэн үйл ажиллагааны шинэчлэл, хэрэгжилт, үр дүнгийн талаар мэдээлэл өгч, мөн “Элэг Бүтэн Монгол” хөтөлбөрийн хэрэгжилт, хяналт үнэлгээний явц ач холбогдлын талаар хөдөө орон нутгийн Эрүүл Мэндийн Байгуулгуудын эмч, ажилчдад болон, ард иргэдэд мэдээлэл сурталчилгааны ажлыг амжилттай явууллаа. Хөдөө орон нутгийн ард иргэд төдийгүй хөдөө аймаг, сумдын эмч ажилтнууд МУ-ын Засгийн Газраас хэрэгжүүлж буй “Элэг Бүтэн Монгол” хөтөлбөр болон Эрүүл Мэндийн Яамнаас хэрэгжүүлж буй үйл ажиллагаа, лавлагаа шатлалын Эрүүл Мэндийн байгууллагуудын өндөр мэргэшсэн эмч мэргэжилтнүүдийн үзлэг оношлогоонд сэтгэл хангалуун байгаагаа илэрхийлж байв

Улсын гуравдугаар төв эмнэлэг нь БНСУ-ын Рафаэл сантай 3 дахь жилдээ хамтран орчин үеийн дэвшилтэд анагаах ухааныг хөгжүүлэх чиглэлээр хамтран ажиллаж байгаа билээ. Энэхүү хамтын ажиллагааны хүрээнд Рафаэл сан, Улсын гуравдугаар төв эмнэлгийн урилгаар БНСУ-ын “Сөүлийн их сургуулийн эмнэлэг”-ийн хүүхдийн зүрхний мэс заслын 14 хүний бүрэлдэхүүнтэй баг ирж ажиллаж байна. Энэхүү мэс заслын багийг Хүүхдийн зүрхний мэс засалч, АУ-ны Доктор, профессор Ким Үнхан ахлан ирсэн ба хүүхдийн зүрхний мэс заслын эмч 4, сувилагч 9 хүний бүрэлдэхүүнтэйгээр энэ сарын 18- 25-ны өдрүүдэд тус эмнэлгийн зүрхний мэс заслын тасагт ажиллах юм. Тухайн өдрүүдэд тус эмнэлгийн Зүрхний мэс заслын тасгийн эмч нартай хамтран Зүрхний төрөлхийн хавсарсан хүнд хэлбэрийн гажигтай нярай, бага насны, бага жинтэй хүүхдүүдэд үнэ төлбөргүй үзлэг, оношилгоо хийж нэн шаардлагатай тохиолдолд мэс засал эмчилгээг хийж байна. Одоогийн байдлаар нийт 60 хүүхдэд үзлэг, оношилгоо хийж, 3 хүүхдэд мэс заслын эмчилгээг амжилттай хийсэн бөгөөд цаашид нийт 25 хүүхдэд үе шаттайгаар мэс засал эмчилгээг хийх юм. Мөн тус багийн ажлын төлөвлөгөөнд тус эмнэлгийн зүрхний мэс заслын эмч нарт “Хүүхдийн зүрхний мэс засал”–ын чиглэлээр сургалт, семинарыг зохион байгуулна.

“Элэг бүтэн Монгол” үндэсний хөтөлбөрийн хүрээнд энэ сарын 15-наас эхлэн хепатитийн В, С вирүсийн илрүүлэг шинжилгээг хийж буй Сүхбаатар дүүргийн хувьд 1-20 дугаар хорооны 40-65 насны 17790 иргэнийг хамруулахаар ажиллаж байна. Хепатитийн В, С вирүсийн илрүүлэг шинжилгээнд хамрагдах зорилтот бүлгийн 40-65 насны иргэд 2016, 2017 оны эрүүл мэндийн даатгалаа бүрэн төлсөн байх шаардлагатай бөгөөд тухайн оршин суугаа харьяа хорооны Өрхийн эрүүл мэндийн төвд хандах боломжтой юм. Тэгвэл энэхүү үйл ажиллагааны талаархи мэдээлэл, зөвлөмжийг иргэдэд хүргэх зорилгоор “Элэг бүтэн Монгол” үндэсний хөтөлбөрийн нээлттэй өдөрлөг өнөөдөр Сүхбаатар дүүрэгт зохион байгуулагдлаа. Тус өдөрлөгийн нээлтэнд Эрүүл мэндийн яамны төрийн нарийн бичгийн дарга Д.Очирбат, Нийслэлийн эрүүл мэндийн газрын дарга Л.Төмөрбаатар болон Сүхбаатар дүүргийн эрүүл мэндийн төвийн дарга Л.Баярхүү нар оролцсон юм. Өдөрлөгийн хүрээнд Гэмтэл согог судлалын үндэсний төв, Улсын нэгдүгээр төв эмнэлэг, Улсын гуравдугаар төв эмнэлэг, Байгалийн голомтот өвчин судлалын үндэсний төв, Халдварт өвчин судлалын үндэсний төв, Нийгмийн эрүүл мэндийн үндэсний төв, Хавдар судлалын үндэсний төв, Анагаахын шинжлэх ухааны үндэсний их сургуулийн “Эрхэс” клиник болон Сүхбаатар дүүргийн эрүүл мэндийн төвийн эмч, сувилагч нар иргэдэд үзлэг оношилгоо хийж, эрүүл мэндийн зөвлөгөө өгч ажиллалаа. “Элэг бүтэн Монгол” үндэсний хөтөлбөрийн зорилго нь Монгол Улсын хүн амын өвчлөл, нас баралтын тэргүүлэх шалтгааны нэг болж буй элэгний хатуурал, элэгний хавдрын өвчлөл нас баралтыг бууруулах үүний тулд элэгний вирүсийн халдварыг эрт илрүүлэх, тархалтыг хяналтад авах явдал юм. Ирэх есдүгээр сарын 25-ныг хүртэл үргэлжлэх хепатитийн В, С вирүсийн илрүүлэг шинжилгээнд хамрагдсанаар эрсдэлт өвчнөөс урьдчилан сэргийлэх боломжтой бөгөөд хэрэв В, С вирүс илэрсэн тохиолдолд итгэмжлэгдсэн лабораториудад вирүс тоолох шинжилгээнд үнэ төлбөргүй хамрагдах юм. Мөн эмчилгээ хийх шаардлагатай иргэдийг хөнгөлөлттэй үнээр вирүсийн эсрэг эмчилгээнд хамруулахаар төлөвлөөд байгаа билээ. Цаашид буюу ирэх 2018 онд 15-39 насны иргэдийг хепатитийн В, С вирүсийн илрүүлэг шинжилгээнд тодорхой үе шаттайгаар хамруулах зорилготой ажиллаж байна.

Бөөр орлуулах эмчилгээний нэг төрөл болох гемодиализ эмчилгээний чанар, хүртээмжийг нэмэгдүүлэх, иргэдэд учирч байгаа санхүүгийн хүндрэлийг арилгах зорилгоор Эрүүл мэнд, нийгмийн даатгалын тухай хуулийн 20 дугаар зүйлийн 1.2 дахь хэсэг, Засгийн газрын 2016 оны 159 дүгээр тогтоол, Сангийн сайд, Эрүүл мэндийн сайдын “Төлбөрийн хэмжээ батлах тухай” 3/А/09 дүгээр тушаалыг үндэслэн Төр, хувийн хэвшлийн түншлэлийн хүрээнд хувийн хэвшлийн эрүүл мэндийн байгууллагаар гемодиализийн тусламж, үйлчилгээг гүйцэтгүүлэх сонгон шалгаруулалтыг зохион байгуулж, гемодиализ эмчилгээ, үйлчилгээ үзүүлэх эрх бүхий 7 эрүүл мэндийн байгууллага /Люкс диализ ХХК-ий “Люкс диализ клиник”, Хурилдуур ХХК-ны Эрин эмнэлэг, Интернейшнл медикал сентер ХХК-ий Интермед эмнэлэг, Интенсивкаре ХХК-ны ICU эмнэлэг, Сити-Энержи ХХК-ий Улаанбаатар мед эмнэлэг, Ачтус ХХК-ны Агапе хоспис, Нарт-Эрдэнэс ХХК-ны Кидней Кейр гемодиализийн эмнэлэг/ шалгарч Эрүүл мэндийн яам, Эрүүл мэнд, нийгмийн даатгалын ерөнхий газар хооронд эмчилгээний чанар, үр дүнд хяналт тавьж, худалдан авахаар чиглэлээр хамтран ажиллах зорилгоор “Эрүүл мэндийн даатгалын сангаар дамжуулан гемодиализ эмчилгээг санхүүжүүлэх гэрээ”-г байгуулсан. Үүний үр дүнд 2017 оны 02 дугаар сарын 15-наас эхлэн хувийн хэвшлийн 7 эрүүл мэндийн байгууллагаар 154 иргэн үнэ төлбөргүй чанартай эмчилгээ, үйлчилгээнд хамрагдан нийслэлийн хэмжээнд хүлээгдэлгүй боллоо. Орон нутагт 16 аймаг гемодиализ эмчилгээг хийх хүчин чадалтай болсноор иргэн удаан хугацааны эмчилгээ шаардагддаг гемодиализ эмчилгээг оршин суугаа нутаг дэвсгэртээ хамрагдах боломж бүрдэж байна. 2016 оны 09 дүгээр сард улсын хэмжээнд 98 гемодиализын аппаратаар 498 хүнд гемодиализын тусламж, үйлчилгээг үзүүлж, 67 иргэн эмчилгээнд хамрагдаж чадахгүй хүлээгдэж байсан бол 2017 оны эхний хагас жилийн байдлаар улсын хэмжээнд 163 гемодиализын аппаратаар 575 иргэнд гемодиализ эмчилгээнд хамрагдаж, хүлээгдэл байхгүй болсон. Цаашид Хөвсгөл, Архангай, Төв аймаг, Халдварт өвчин судлалын үндэсний төвд нийт 8 гемодиализийн аппарат суурилуулах бэлтгэл ажлыг ханган ажиллаж байна. Мөн тус эмчилгээний чанар, хариуцлагыг сайжруулах зорилгоор Эрүүл мэндийн сайдын 2017 оны 03 дугаар сарын 30-ны өдрийн А/119 дүгээр “Гемодиализ эмчилгээний журам, хуваарь батлах” тухай тушаалыг батлан, хэрэгжилтийг хангахад чиглэсэн сургалтуудыг зохион байгуулж байна.

2020 он гэхэд элэгний В,С вирусгүй жишиг улс болох зорилт тавин ажиллаж буй Эрүүл мэндийн яамны Төрийн нарийн бичгийн дарга Д.Очирбатаар ахлуулсан ажлын хэсэг Өнөөдөр буюу 6 дугаар сарын 19 ны өдөр Баянзүрх дүүрэгт Элэг бүтэн Монгол” өдөрлөгийг Жуковын талбайд зохион байгууллаа. Нээлтийн үйл ажиллагаанд ЭМЯ-ны Төрийн нарийн бичгийн дарга Д.Очирбат УИХ-ын гишүүн Б.Саранчимэг, НЭМГ-ын дарга Д.Төмөрбаатар, БЗД-ийн орлогч дарга Д.Уламбаяр, УГТЭ-ийн дарга Ц.Төмөр-очир, ГССҮТ-ийн дарга Т.Мөнхсайхан зэрэг албаны хүмүүс оролцлоо. Төрийн нарийн бичгийн дарга Д.Очирбат өдөрлөгийг нээж хэлсэн үгэндээ

Монгол Улсын Шадар сайд, Газар хөдлөлтийн гамшгаас урьдчилан сэргийлэх байнгын ажиллагаатай зөвлөлийн дарга У.Хүрэлсүхийн баталсан удирдамж, ажлын хөтөлбөрийн дагуу Эрүүл мэндийн дэд сайд Л.Бямбасүрэнгээр ахлуулсан ажлын хэсэг Хөвсгөл аймагт ажиллалаа. Ажлын хэсгийн бүрэлдэхүүнд ЭМЯ-ны Эмнэлгийн тусламжийн газрын дарга Я.Буянжаргал, Байнгын ажиллагаатай зөвлөлийн нарийн бичгийн дарга Ё.Жаргалсайхан, ОБЕГ-ын Гамшиг Шуурхай удирдлагын газрын тасгийн дарга З.Баттулга нарын 9 хүн хамрагдан аймгийн Онцгой байдлын газар, Газар хөдлөлтийн гамшгаас хамгаалах сургалт, дадлагын төв, танхим, Гамшгийн аюулыг зарлан мэдээллэх, шуурхай удирдлага, зохицуулалтаар хангах төв болон Мөрөн хотын нийтийн орон сууц, олон нийтийн зориулалтын барилга байгууламжийн чанар, газар хөдлөлтөд тэсвэрлэх байдлын урьдчилсан үзлэг зэргээр аймгийн газар хөдлөлтийн гамшгаас урьдчилан сэргийлэх байнгын ажиллагаатай салбар зөвлөлийн үйл ажиллагааг газар дээр нь үзэж шалган зааварлаж, мэргэжлийн удирдлага, арга зүйн зөвлөмж дэмжлэгийг үзүүлэв. Аймгийн Газар хөдлөлтийн гамшгаас урьдчилан сэргийлэх байнгын ажиллагаатай салбар зөвлөлийн хурал болон“Газар хөдлөлтийн гамшгаас хамгаалах чадавхийг бэхжүүлэх Японы туршлага” семинарыг тус тус зохион байгуулж, Гамшгаас хамгаалах төр, засгийн бодлого шийдвэрийг танилцуулан салбар зөвлөлд үүрэг чиглэл өглөө.